Day 7 - [Artisan] 
Momtrepreneur: 給希望「創業」的妳 

《創. 女程》同行者: Lena Wong，香港創業媽媽慈善機構創辦人、Momtrepreneur 領航者，帶領無數照顧者媽媽把「鍾意做的事」升級成「願意負責的事業」，用母愛與熱情雙核驅動，用行動證明：做溫柔媽媽的同時，也能做閃閃發光的女創業者！

Q1: 可以請你分享Momtrepreneur 的理念嗎？
對我嚟講，「創業媽媽」唔只係一個身份，係一種將母愛同熱情融入事業嘅生活方式。我哋唔係要做到「完美」，而係學習點樣喺照顧家庭嘅同時，堅持自己嘅夢想，用行動教曉下一代：女性可以係溫柔嘅媽媽，亦可以係充滿魄力嘅創造者。

Q2: 你能用4個#形容3個「創業媽媽」的種類嗎？
#生活型創業媽：將興趣變事業，例如手作、烘焙、親子活動策劃
#斜槓多功能媽：同時兼顧多重角色，例如 freelancer + 網店店主 + 社區教育者
#專業轉型媽：將企業經驗變創業資本，例如前財務總監開設理財教育平台、前市場總監創立可持續生活品牌
#社創媽媽：用商業模式解決社會問題，例如推動環保、支援特殊需要家庭

​

Q3: 你認為興趣 VS 創業的分界在哪裡?
興趣係「我喜歡做」，創業係「我願意為它負責」。當你開始為興趣訂目標、計成本、諗點樣持續影響別人，嗰份「鍾意」就已經昇華成一份事業。就好似我當初由一個facebook page開始，到後來創立慈善機構香港創業媽媽同其他媽媽一齊分享，就係「興趣」同「創業」之間最美嘅跨界。

​

Q4: 如果有女性照顧者正在探索自己的「職活」及希望創業，你會想跟她分享什麼鼓勵或貼心的話呢？

1. 容許自己「試錯」：唔好怕起步慢或者唔完美，每個嘗試都係一塊拼圖。

2. 建立你的「媽媽戰隊」：搵同路人互相支援，無論係其他 Momtrepreneur 定係願意分擔家庭責任嘅伴侶。

3. 記得留時間俾自己：照顧別人之前，先照顧好自己嘅心同夢想，你先可以閃閃發光✨